"Сыбайлас жемқорлықтың зардабы"

Сыбайлас жемқорлық – заман ағысымен бірге өсіп-өркендеп, мол қаражат және қоғамдық бәсекелестік пайда болған жерлерге тамырын жайып, бүгінгі күнге дейін жойылмай отырған кеселдің бірі. Бұл кесел дамушы елдердегідей біздің жас мемлекетімізге де зор нұқсан келтіріп отыр. Осы орайда мектебіміздің "Адал Ұрпақ" ұйымына "Сыбайлас жемқорлықтың зардабы" тақырыбында оқушылармен түсіндірме өткізілді. Бұл дерттің алдын алып, қоғамға таралу жолдарын кесіп, оның ұлғаюына жол бермеу барша қазақстандықтар үшін ортақ міндет. #Адалұрпақ#БіртұтастәрбиеЖемқорлық – тамырға балта шабатын ауыр қасірет. Жемқорлық жайлаған жерде ешқандай өсу де, өркендеу де болмайды. Сондықтан да, жемқорлықты болдырмау керек. Жемқорлықпен күрестен бұрын оның алдын-алған абзал. «Ауырып ем іздегенше, ауырмайтын жол ізде» демекші, азаматтарға сыбайлас жемқорлық дертін жұқтыртпай, таза күйінде ұстау керек. Сыбайлас жемқорлықтың зардабы саяси даму тұрғысынан бір-біріне мүлдем ұқсамайтын жер бетіндегі барлық елдердің қайсысын болмасын алаңдататыны анық. Сыбайлас жемқорлық сипатындағы құқық бұзушылық мемлекеттің бәсекеге қабілеттігін төмендетіп ғана қоймай, оның  халықаралық дәрежесіне айтарлықтай нұқсан келтіреді
Ел Президенті Қ.К.Тоқаев бірінші кезекте сыбайлас жемқорлыққа қарсы күрес – еліміздің стратегиялық дамуындағы негізгі басымдықтардың бірі екенін айта келіп, бұл үшін қоғамда жемқорлықтан жаппай жиренуге қол жеткізу қажеттігін айтты. Мемлекет басшысы сыбайлас жемқорлыққа қарсы күрес – еліміздің стратегиялық дамуындағы негізгі басымдықтардың бірі екенін айта келіп, бұл үшін қоғамда жемқорлықтан жаппай жиренуге қол жеткізу қажеттігін айтты. Қасым-Жомарт Тоқаевтың сыбайлас жемқорлыққа қарсы іс-қимыл мәселелері жөнінде өткізген кеңесінде айтқан бұл сөзі сыбайлас жемқорлықпен күрес жолындағы басты бағытымызды айқындап бергендей. Яғни ел болып, көпшілік тарапынан сыбайлас жемқорлық көріністеріне қолдан келгенше тосқауыл қойып, сыбайлас жемқорлық әкелетін кез келген әрекетке төзбеушілік қағидатын берік ұстануымыз керек.
         Дана халқымыз "Жалғыздың үні шықпас, жаяудың шаңы шықпас" деп тегін айтқан жоқ. Бұл сөзді бүгінгі күн тұрғысынан қарасақ, демография, яғни қоғамдағы бұқараның салмағы. Аталарымыз, көптің күші көлдей екенін ертеден-ақ білген. Еліміздің жемқорлықсыз жарқын болашағын қалыптастыру тек заң қызметкерлерінің ғана жауапкершілігі емес, барлығымыздың азаматтық міндетіміз екенін ұғынуымыз тиіс.
«Адал ұрпақ» ерікті мектеп клубы мүшелеріне ар-ұят, абырой, жауапкершілік, адалдық, әділеттілік сияқты адамгершілік қасиеттерін қалыптастыруға ерекше көңіл бөлу қажеттігі бойынша нақты жұмыстар атқарылды және бұл іс-шаралар ары қарай өз жалғасын табады.
#Біртұтастәрбие#Адалұрпақ
Өткізілген іс-шаралар әлеуметтік желіге жарияланды:
https://www.facebook.com/share/p/72pfrqo74csatHJW/?mibextid=oFDknk